Astilleros Garrido

Astilleros Garrido SL (Anteriormente Fillos de J Garrido) é unha empresa familiar cunha longa tradición na construción e reparación de embarcacións. Os Garrido son desde fai cinco xeracións, unha familia de carpinteiros de ribeira que comezaron construíndo barcos tradicionais de vela, dornas, racús, motoras e bateas. Co paso do tempo a súa especialización e técnicas ampliáronse unindo os métodos tradicionais de construción co uso de materiais da máis alta calidade. Hoxe en día, Astilleros Garrido leva a cabo traballos de construción, reparación, restauración e mantemento de todo tipo de embarcacións. Facendo realidade unha ampla variedade de traballos artesáns, realizando proxectos construtivos de todo tipo de embarcacións comerciais ou de recreo.

É moi frecuente atopar varados nas instalacións do estaleiro, preto do porto do Grove, todo tipo de embarcacións, iates ou barcos de pesca. Especializados na restauración de barcos de vela clásicos ou iates usando diferentes materiais como a madeira, chapa mariña, aceiro ou fibra de vidro.